Doppelpunkt

by Gregor Luzius

supported by
/
1.
Scho d Grossmuetter selig Het früener amigs gseit Verschiebe nie auf morgen Was du erledigen kannst übermorgen Sie het denn no versuecht gha Mit mier über das Missverständnis z rede Aber ich ha kei Lust gha Zum uf mis Omi lose Verschiebe nie auf morgen Hets Omi amigs gseit Sie isch e gschiidi Frau gsi Und i ha sie würkli gliebt Ganz bsunders da defür Dass sie früener amigs gseit het gha Verschiebe nie auf morgen Was du verschieben kannst auf übermorgen Verschiebe nie auf morgen Was du auch übermorge Chasch erledige
2.
Zirkus 03:21
Wo d Wält no chli isch gsi Und voll vo grosse Rätsel Und d Beatles sind e Band gsi Ebe erst entdeckt gha Het’s Mami eines Nomitschs Hinterm Huus im Garte Imne Riesechessel Ganz viel Iis-Tee koched gha Es git Augeblick wo Musig sind Wo ich eifach nöd vergässe chan Mier baued es Zält uf us Bettzüg und Draht und streued 100 kg Sagmähl us Mier maled eus Zebrastreife uf de Buggel und spieled alli Tier grad sälber mier sind Dompteur und Clown und Trampolingumper Und no so vieles meh Mier ladet lüt us de Nachbarschaft ii Lüt us em halbe Quartier De Itritt i euse Zirkus isch gratis Mier mached Zirkus Mier spieled für Applaus Mier spieled für all Chind Und für all diä wo no Chind bliibe sind Mier mached Zirkus Mier spieled für Applaus Mier spieled für all Chind Und für all diä wo no Chind bliibe sind Popchorn Orcheschter Programmheft Akrobatik So en Zirkus macht alli Lüt fröhlich So en Zirkus macht alli Lüt froh Popchorn Orcheschter Programmheft Akrobatik So en Zirkus nimmt Lätsch us de Gsichter Wenn de Nils als Leu uftritt Popchorn Orcheschter Programmheft Akrobatik So en Zirkus macht alli Lüt fröhlich So en Zirkus macht alli Lüt froh Popchorn Orcheschter Programmheft Akrobatik So en Zirkus nimmt Lätsch us de Gsichter Wenn de Serafin als Leu uftritt Es git Gägende wo Musig sind Wo ich eifach nöd vergässe chan Im Garte döt hinter em Huus Schänked s Mami Iistee us Für euses Publikum und für eus sälber So en Zirkus macht Ziemli durstig S einzig Tiär wo mit eus spielt Isch d Chatz vom übernächschte Nachbar Leider findet sie dä wäg hüt nöd Drum isch eusi Zirkus-Premiäre sträng vegan Mier mached Zirkus Mier spieled für Applaus Mier spieled für all Chind Und für all diä wo no Chind bliibe sind Mier mached Zirkus Mier spieled für Applaus Mier spieled für all Chind Und für all diä wo no Chind bliibe sind
3.
D Susannamalbis sitzt i de Stube Fühlt sich einsam und lueged in Räge usse Wo vor em Fänschter vor em Balkon Und es rägnet au dötte im Bärlauch usse Sie gspüürt e Lääri Und isst e Banane Ugaugaugugug Händ d Buebe damals amigs glacht Wenn sie das gmacht hett Und Affeschüblig händ sie gruefe und de Susanne en Guete gwünscht Susannamalbis Ich dänk öppe a dich Und fröge mich Wie’s dier so gaht Susannamalbis Ich bin dier nüm bös Es wär halt no schön Mier hätted es Grab D Susannamalbis vertrucked es Tränli Stellt Tele Züri ab und gaht zur Garderobe Stiigt i die knallgääle Gumnmiesel ine Zieht de Rägemantel aa Und gaht go spaziere gaht usse is Naturschutzgebiet am Ufer vo de Reuss Gaht sie in Bärlauch chli absiits vom Wäg Sueched sie die richtigi Stell D Susannamalbis hett e Stilli ghört gha Wiit ringsum isch Stilli gsi Wie imne Wald eso still isch es gsi Und Nacht isch es gsi Tüüfi Nacht isch es gsi I de verrägnete Bärlauchbluest Hett sie ihn wo rote Mohn nach Cassino hett bracht nüm chönne finde D Susannamalbis fühlt sich nüm einsam sondern sie fühlt sich ihm scho es bitzli nöcher obwohl sie di gnau Stell nümm cha finde aber das macht nüt e es rägnet grad so schön und d Reuss gurgeled so glustig in ihrem Bett dött im Naturschutzgebiet D Susannamamalbis dänkt zum allererste Mal dass es eigentli no schön isch i de Bärlauchbluescht
4.
Bi de Abschaltig vom AKW in Mühlebärg Sind 2 Bäre äse ase verstrahled worde dass sie pär sofort Hüser ufässe chönnd D Bäre vermehred sich wie Chüngel nachdem s Dorf Mühlebärg ufgässe isch Sind’s scho zwei Dutzend Bäre Und nach Frauenkappelen Ferenbalm Wallenbach Bethlehem Bösigen Herzwil Gasel und Neuenegg Niederhasli Oberhasli Wünnewil-Flamatt und dä Bundesstadt Nach em Ufässe vo Wohle Und nachdem Bümpliz kaut und verdaut isch Trotted scho meh als 100 söttig Bäre dur d Gägend Rhythmus bitte … Will sich dä Unfall aber zur Fasnachtszit ereigned Und usgrächned im Kanton Bärn Wo sich d Bevölkerig gärn Bäre-Kostüm azieht Marschiered bald mehreri Guggemusigge Hinter dene alles verheerende Bäre här D Lüt trinked Bier und sie johleleleled Wo d Bäre Gebäude um Gebäude um Gebäude um Gebäude um Gebäude um Gebäude um Gebäude um Gebäude um Gebäude um Gebäude um Gebäude um Gebäude verschlinge tüend … (hahaha …) Ich han im Fall kei Schribblockade Neid ä Robärt zwingt mi zu dem Text Wär jetzt dänkt: «Das isch ja typisch! Das cha numme in Bärn passiere! In Basel, Züri oder St. Galle nöd!» Bedänked liäber guet ier liebe Lüt Äse ase Bäre känned kei Kantönli Und kei Kantönligeist Und sie foutiered sich um 9-mal schlaui Kantonali Regierigs-Larifari Ko-o-o-ordinations Konferänze (Gacker gacker gacker …) I ha geschter so gruusig gsoffe Ha jedi Mängi neui Huustier hüt!
5.
Held 02:34
Dä Held muess gah Will är alt und Will är schwach isch S Glück hett ihn verlah Ja, är isch eus nüme tragbar Eus gaht’s besser debi Wenn mier ihn Nüm müend gseh, ja, mhm, ja, du blibsch euse Held, klar. Aber Helde wärded Nöd alt. Äs därf für eus nöd si Mier wand da alls nöd gseh Euse Held am sabbere Euse Held am ume liire Held gang hei Helde stärbed älei (x4) Rock ‘n’ Rollator Protest Imperator Schleppt sich mit Tropf und Bluetdruckmässgrät D Bühni druf Steckt d Giti ii Seit zittrig «Hoi» Und schnätzled los Dass mier junge Dinger Stund um Stund Aber sowas vo alt Usgsehnd will Held blibt Held Eimal Held, immer Held Wenn’s dier nöd passt Dänn gang doch hei Und lass eus mit Mercury, McIllwaine, Joan Baez, T-Bone Burnett, Beatles, Ry Cooder, Jaco Pastorius, Und Motorpsycho, Buena Vista Social Club, Johnny Cash, Solom Burke Odetta James und em Buddy Guy Eifach mal elei Will Held blibt Held Gilt au für d Heldin Gilt für Beidi Gilt für immer Lalalala Held blibt Held Gilt au für d Heldin Gilt für Beidi Gilt für immer Lalalala Scho no schad Dass alles Schöne Ände muess …
6.
Kurt Cobain 04:20
Ich han das Heimweh Wo-n-ich nöd verstahn Es wird sogar no grösser Wenn ich heime gahn Und unterwägs dänn Ghör ich ufs Mal wieder dä Wind Es tschuudered mi wie damals Und plötzlich bin ich viel z wiit weg Wenn dier das ab und zue au so ergaht Du bisch nöd einsam Los «MTV unplugged» Dä Kurt regled das für dich Wind isch cho durs offnig Fänschter mit em Wind di alte Gschpänschter us de 90er (x4) Wind isch us em Nirgendwo cho «MTV unplugged» genau so i de 90er (x4) Dä Wind isch cho Und wieder gange Hett sich im Vorhang verfange wo-o-o De Wind isch cho durs offnig Fänschter Mit em Wind sind die alte Gspänster wieder cho wo-o-o wo-o-o misse dich wie de Kurt misse dich wie de Kurt misse dich wie das Shirt «fuck Chiraque!» staht druf gschmiert und «Muroara» irgendwiä buechstabiert So bleich wiä diä Polaroid-Fotene ufme wild im Wald tüf une im Tobel entsorgete ehemalige WG-Chüelschrank (x4) Wind isch cho durs offnig Fänschter mit em Wind di alte Gschpänschter us de 90er (x4) Wind isch us em Nirgendwo cho «MTV unplugged» genau so i de 90er (x4) Dä Wind isch cho Und wieder gange Hett sich im Vorhang verfange wo-o-o De Wind isch cho durs offnig Fänschter Mit em Wind sind die alte Gspänster wieder cho wo-o-o wo-o-o wo- o-.
7.
Du seisch e gnaui Sprach segg uhüne wichtig. Du seisch du seggsch total Sprachmänsch. Du leisch Händsche a wenn du Gaggi- bölle rüersch. Du seisch das miech en Riese- Unterschied. Du übersetzisch, was du uf Parler, PI und Breitbart gsehsch und tuesch eso als wärsch en Ruefer i de Wüesti, du Würschtli. Nume dim Verstand verpflichtet rüefsch: «Beifussjetzt, Ressentiment!» Ich hasse dich! Du machsch Glichgültigkeit populär, du ästhetisiersch dini Indifferänz und machsch us Hass e Pointe und us Opfer machsch Täter und dänn seisch au no das muesch jetzt scho verträge. Ich has ja au gnueg lang vertreit! Du Wurscht! Mich vertätscht’s! Du seisch, du seisch, du seisch doch nur was süscht niemert seit. Niemert losi dier Zue, jammerisch du i zigmillione Briefchäschte mit weiss-Gott-wie- vielne Stopp-Wärbe-Chläber. Du seisch, me wird no säge därfe Was du z säge hesch. Du seisch, du siggsch en Unterhund. Du seisch dich stört das kunterbunte Främde, wo um dich ume isch. Du seisch: «Nei, nei, i bin e kein Rassist. Mini Fründe, Fründin, Gliebti und Dehei au d Frau sind ja alli au nöd vo da! Sondern vo döt und jetzt wo’s scho mal da sind Tüend sie meh eso als ob’s vo da wäret Als so eine wie du, schubidu!» Ha lang überleit gha, wie ich dich beleidige söll. Ha lang überleit gha, wie ich dich beleidige söll Ha lang überleit gha, wie ich dich beleidige söll Ha lang überleit gha, wie ich dich beleidige söll Du seisch, du willsch das Fürli lösche Wo ich gleit ha söll. Du seisch du hesch Zwei Chesseli debi. Du seisch es sigg halt eifach leider dummerwiis nur so, dass du nüm weisch wo isch’s Wasser und wo isch’s Benzin? Egal, Jetzt rüersch halt eifach beid Chessel ufs mal is Füür. Du seisch, nä-äh, ich bin e kein Brandstifter. Im Gägeteil, vo de freiwillig Füürwehr bin ich. Bin de Erscht bim hinterletschte Brand. Ha lang überleit gha, wie ich dich beleidige söll. Ha lang überleit gha, wie ich dich beleidige söll Ha lang überleit gha, wie ich dich beleidige söll Ha lang überleit gha, wie ich dich beleidige söll Weisch, Hackfrässe wird dier nöd gerächt. Weisch, Kackfrässe wird dier nöd gerächt. Weisch, Sackfrässe wird dier nöd gerächt. Weisch, Fuckfrässe wird dier nöd gerächt. Weisch Wär-isch-denn-dier- Ufs-gsichts-gsässe-Frässe wird dier nöd gerächt. Genau wie is Bett-nässer-Frässe- zum-Vergässe Dier drum ebe au Nöd gerächt wird. Wärsch du es Jahr, du wärsch 2020! Wärsch du es Jahr, du wärsch 2020! Wärsch du es Jahr, du wärsch 2020! Wärsch du es Jahr, du wärsch 2020!
8.
Geschter Party Und hüt de Kater Und dä Doktor isch eweg Und ich sötti/jetzt au gah D Polizei hett geschter glüted Eusi Party segg chli z wild Du hesch hüt e schlächti Luune Und ich zahl de Priis defür Figg du dich doch Dr. Gonzo I bin nüm din Patiänt wiä bitte sehr söll ich dänn schmöcke was dä im rollkoffer hett? jetzt laufed e grossi Fahndig nach em dr. und nach mier D Medizin isch scho nüme da gsi Isch alles intus gsi Medizin isch nüme da gsi bumms e meersau Sind mier stoned D polizei will mit mier rede Wäge däre blöde gschicht i weiss nüme wär i gsi bin i weiss nur no wär i bin Figged eu doch all is chnüü I mach das gschichtli nümme mit D Polizei hett mich verwütschtscht gha I bin ihne nüm vertwütscht wär mich kännt weiss haargenau so ein wiä ich dä singt keis wort Mis Glück hett mich verlah Sie füehred mich Ab in Handschälle
9.
Wenn dini Seel Es einzigs Gstrüpp isch Und din Chopf Ischs reinschte Unterholz Jede Gedanke Isch e Dorneranke Efeu, Liane und Bärlauchbluescht umranked dich Dänn mach du dier emal E keini Sorge Bliib ganz glasse Pfiff das Lied D Liedmachete Wird vom Himmel Obe-n-abe sause Und sie haut dier Es liecht is Gstrüpp Wenn dini Seel Es einzigs Gstrüpp isch Und din Chopf Ischs reinschte Unterholz Jede Gedanke Isch e Dorneranke Efeu, Liane und Bärlauchbluescht umranked dich Dänn mach du dier emal E keini Sorge Bliib ganz glasse Pfiff das Lied D Liedmachete Wird vom Himmel Obe-n-abe sause Und sie haut dier Es liecht is Gstrüpp Wie isch das schön, so schön, so da im Unterholz Wenn d weisch D Liebi wo du gisch Isch die wo’s git Wie isch das schön, so schön, so da im Unterholz Wenn du weisch D Liebi wo du gisch Isch das wo’s git Was isch das schön, so schön, so da im Unterholz Wenn d weisch D Liebi wo du gisch Isch diä wo’s git Was isch das schön, so schön, so da im Unterholz Wenn du weisch D Liebi wo du gisch Isch das wo’s git Wenn dini Seel Es einzigs Gstrüpp isch Und din Chopf Ischs reinschte Unterholz Jede Gedanke Isch e Dorneranke Efeu, Liane und Bärlauchbluescht umranked dich Dänn mach du dier emal E keini Sorge Bliib ganz glasse Pfiff das Lied D Liedmachete Wird vom Himmel Obe-n-abe sause Und sie haut dier Es liecht is Gstrüpp

about

9 neue Mundartlieder von Gregor Luzius – von der fragilen Solonummer zum paranoiden Bandkracher. / 9 new Swiss German songs by Gregor Luzius – from ballads to paranoid stompers.

credits

released April 1, 2022

Gregor Luzius: Text & Musik, Arrangement
Igor Igorowitsch: Text
René Frauchiger: Text

Robert Aeberhard: Aufnahme, Bass & Schlagzeug. www.dadaad.ch
Guillermo Gamiz: Editing, Mix, Master, Arrangement, Gitarren, Drums, Synth. www.gamizgrabaciones.com

Aufgenommen im Januar 2021 im Studio The Zoo Bern. Bis Ende Oktober überarbeitet im 4057STUDIO Basel und im Guillermo Gamiz Estudio Buenos Aires.

© 2021/2022 STP+T

license

all rights reserved

tags

about

Gregor Luzius Basel, Switzerland

Gregor Luzius ist Liedermacher und Literat in Basel.

Gregor Luzius is singer-songwriter and author in Basel.

contact / help

Contact Gregor Luzius

Streaming and
Download help

Report this album or account

If you like Gregor Luzius, you may also like: