We’ve updated our Terms of Use to reflect our new entity name and address. You can review the changes here.
We’ve updated our Terms of Use. You can review the changes here.

Bew​ä​rbigsblues

from Rio Landy by Gregor Luzius

/

about

Text + Musik: Gregor Luzius

lyrics

grüezi mier hätted si würklich gärn gno
si händ im verlauf vo 2 vorstelligsgspröch
3 assessments 4 team leitigs sitzige
Und 5 grafologische guetachte
lachhaft bescheideni lohnforderige gstellt
lachhaft bescheideni lohnforderige gstellt
trotz allne qualis und diplom und papier
wo eine nur brucht zum euse job mache
wo aber keine vo eus sässelfurzer
sälber jemals gmacht gha hett
trotzdem bring ich schlächti bricht für si
trotzdem bring ich schlächti bricht für si
es isch eus unmöglich si als agstellte z näh
si händ z tüf gstaplet mier händ de hochstapler gnoh
de känned mier besser s isch en ganz en devote
hett d bewärbig ufgmotzt mit ere hunderter note
dä hett ebe no richtig i d bewärbig investiert gha
ja hett ebe no richtig i d bewärbig investiert

de glichi scheiss / en anderi krawatte / so wenig haar du gsehsch / d gedanke im spiegel / s läbe streckt sich vo / dezämbergspröch zu dezämbergspröch / mal es fortbildigsreisli / mal mit em arztzügnis wädle / zwei drü chlineri / bürointrige überläbe / um lohnerhöchige winsle / chefetage buchpinsle / speserittertum perfektioniere

grüezi mier hätted si würklich gärn gno
ihre cv isch makellos und uhüne guet
leider hett uf s. 17 es müggli druf gschisse
drum chönd mier si ebe trotzdem nöd näh
mached si sich aber nur mal keini sorge
mached si sich aber nur mal keini sorge
bis uf ihre charakter und idealismus
ihri freud am apacke und am lösige finde
ihri nase ihri auge und au ihre dialekt
ihre vorname nachname mittelname
pfadiname und meitliname vo de mame
ihri härkunft und bruefliche statione
ihri härkunft und bruefliche statione
geburtsort und wohnort und facebook account
ihre gruch ihri stimm klamotte und schue
refärenzpersone mundgruch und körpersprach
spricht eigentlich nur d willkür vom boss gäge si
aber dä isch ächt allergisch uf ihri wenigkeit
aber dä isch ächt allergisch uf ihri wenigkeit

credits

from Rio Landy, released September 17, 2019

license

all rights reserved

tags

about

Gregor Luzius Basel, Switzerland

Gregor Luzius ist Liedermacher und Literat in Basel.

Gregor Luzius is singer-songwriter and author in Basel.

contact / help

Contact Gregor Luzius

Streaming and
Download help

Report this track or account

If you like Gregor Luzius, you may also like: